Cyfleu syniadau a thrin geiriau fu wrth wraidd bywyd Sian Owen am y rhan helaethaf o’i hoes.
Cyhoeddwr: Cyhoeddiadau Barddas
Pris: 7.95
Disgrifiad
Yn wyddonydd â meddwl praff, roedd hefyd yn enaid creadigol a fwynhâi’r her o ddatblygu a mireinio delweddau mewn gair a llun.
Canlyniad y cyfuniad anarferol hwn fu creu corff o waith sy’n pefrio, fel ‘darn o’r haul’.
“Mae ôl gofal mawr ar saernïaeth y cerddi hyn. Dyma awen feddylgar, wreiddiol a chynnil, awen sydd weithiau’n delynegol, weithiau’n fyfyriol-athronyddol ac weithiau’n ddisglair ddelweddol. Mae’r cerddi hyn yn cyffroi ac yn cyfareddu ar yr un pryd, gan roi inni gip ar fywyd yn ei holl gymhlethdodau a’i holl ryfeddodau.”
Alan Llwyd
